पार्टीको ५ नम्बर प्रदेशस्तरीय कार्यकर्तालाई प्रशिक्षण दिन बुटवल आएका दाहालले प्रशिक्षण अघि पत्रकारहरुसँग कुरा गर्दै यसो गर्दा समय र रकम बचत हुने तथा संवैधानिक अफ्ठेरो पनि नआउने बताए । ‘सम्भवत एक हप्ताभित्रमै चुनावको मिति घोषणा हुन्छ’ उनले भने ।
अध्यक्ष दाहालले तेस्रो चरणमा राजपा चुनावमा आउनै पर्ने बताउँदै अब पनि चुनावमा नआए राजपाका लागि आत्मघाती हुने बताए । चुनावमा आउने र जनमत नमान्ने आत्मघाती काम नगर्न राजपा नेताहरुलाई उनले सुझाव समेत दिए । भने ‘आफ्ना माग सम्बोधन हुनुपर्ने उहाँहरुको माग छ’ उनले भने, ‘त्यसमा जटिलता आउने भएकाले यता नलागेर आफ्नै लागि पनि उहाFहरु चुनावमा जानुपर्छ।’
अध्यक्ष दाहालले चुनाव निकै महँगो र भड्किलो भएको बताउँदै वर्तमान निर्वाचन प्रणाली फेर्न नसके मुलुक तस्कर र भ्रष्टाचारीको हातमा जाने दाबी गरे । गरिब र मध्यमवर्गले चुनाव लड्नै नसक्ने अवस्था आएको बताउँदै उनले पूर्ण समानुपातिक चुनावमा गए यस्तो विकृति नआउने राय दिए । प्रत्यक्ष निर्वाचित राष्ट्रपति प्रणाली नआउँदासम्म राजनीतिक स्थिरता समेत नआउने दाहालको दाबी थियो ।
अध्यक्ष दाहालले पार्टी विभाजन तथा सांगठानिक अस्तव्यस्तताका कारण चुनावमा माओवादीले असफलता ब्यहोरेको बताए । पार्टी र संगठन बलियो बनाउन वैद्य, बाबुराम र विप्लवसँग पार्टी एकताको संवाद सुरु भएको उनले दाबी गरे । ‘पार्टी एकताको छिट्टै सकारात्मक परिणाम आउने छ’ उनले भने ।
No comments:
Post a Comment